ANO 2023
-
-
Xira "CAMIÑO LONGO 2024"
Treixadura percorreu no ano 2023 os escenarios da xeografía galega continuando coa presentación do seu octavo disco CAMIÑO LONGO, e realizando concertos inesquecibles. Tódolos miles de seguidores que ao longo destas máis de tres décadas os acompañaron de xeito incondicional puideron ser partícipes desta xira e gozar da súa música polos catro puntos cardinais do noso País.
Especial mención merecen os concertos realizados nas Festas de Reboreda (Redondela), onde se produciu o xerme de Treixadura, no Muiño Vello de Delio, en 1980; o da Porta do Sol de Vigo o 6 de xullo, coa praza ateigada de público; e igualmente na Pza de Armas con motivo das Festas de Ferrol.
O grupo de gaiteiros que formaron Treixadura no 1990 poden ver, 34 anos despois, como o seu proxecto de música tradicional chegou a converterse nunha auténtica institución en Galicia.
Os concertos de Treixadura ao aire libre son un gran espectáculo de música tradicional cun despregamento de luz e son de alto nivel. En interiores adaptámonos as condicións do local.
A duración do concerto é duns 90 minutos, precisando, ademais, de unha hora e media para probas de son e luz.
Dende 1990 TREIXADURA é sinónimo de música tradicional; ritmos, cantos e instrumentos galegos que encaixan tanto nas romarías máis populares como nas festas e eventos urbanos, co obxectivo de que o público goce bailando, cantando e escoitando a música dos seus 16 compoñentes. Foron anos de gravacións e concertos, 8 discos no mercado e diversas colaboracións discográficas, aválannos. Foron anos compartindo co público o poder e a forza evocadora, máxica e reconfortante do canto colectivo. Foron galardoados como Mellor Grupo de Música tradicional Galega nos Premios Galegos da Música "Martín Códax" 2013. No 2014 recibiron a homenaxe da Asociación de Funcionarios para a Normalización Lingüística pola súa esquisitez no tratamento musical e escénico do noso folclore e o seu traballo a prol da recuperación da música tradicional galega.
Na primavera de 2022 Treixadura editou o seu disco “CAMIÑO LONGO”, que foi presentado no Teatro Afundación (García Barbón) de Vigo o sábado 21 de maio. Este novo disco foi a base do espectáculo que o grupo ofreceu nos ano 2022 en máis de 30 concertos, e serao tamén para a xira 2023.
MÁIS INFORMACIÓN EN: http://www.youtube.com/watch?v=EA09AykKMJk
https://www.facebook.com/treixaduragalicia/
Treixadura web
https://www.facebook.com/treixaduragalicia/
Treixadura web
ALGUNHAS FOTOS DOS CONCERTOS MÁIS SIGNIFICADOS
 |
| CONCERTO NA PORTA DO SOL DE VIGO. FESTAS 2023 |
 |
| CONCERTO NAS FESTAS DE FERROL 2023 |
 |
| CONCERTO EN REBOREDA-REDONDELA 2023 |
 |
| FESTAS DA PEREGRINA 2022. PONTEVEDRA |
 |
| FESTAS DE SAN FROILÁN 202. LUGO |
 |
| FESTAS DOS MAIOS 2022. OURENS |
 |
| FESTAS DE MARÍA PITA 2019. A CORUÑA |
 |
| FESTAS DO APÓSTOLO 2017. SANTIAGO DE COMPOSTELA |
===============================================================================================================================================
Proxecto musical que comprende unha instrumentación de gaita, acordeón, bombardino e saxo, ademais das voces. Unha conxunción tímbrica que camiña cara a unha expresión que conmove a quen escoita esta orixinal combinación sonora, ao que contribúe a excelente calidade interpretativa dos músicos. Tamén empregan outros instrumentos coma piano eléctrico, frauta, trompas galegas e algunhas percusións. Ofrecen unha selección de pezas maiormente procedentes do repertorio tradicional galego.
A música de Os Xesteira está sustentada nunha base harmónica a cargo do acordeón e, ocasionalmente, do bombardino, e perfilada coa melodía de gaita, frauta e saxo. A versatilidade do bombardino permítelle acometer tanto funcións harmónicas como interpretar a melodía máis bulideira e aporta unha tímbrica pouco escoitada nas formacións que teñen como base do seu repertorio a nosa música patrimonial
O público conecta coa música de Os Xesteira dende os primeiros compases e ata a fin do concerto, que remata de xeito festivo coa interpretación dun popurrí de varias polcas coñecidas.
Este singular grupo vén realizando actuacións e concertos dende 2017. Cabe destacar o concerto ofrecido xunto coa Banda Municipal de Santiago de Compostela na praza das Praterías en Setembro de 2017. Extraordinarios tamén os concertos realizados nas Festas da Peregrina 2020 de Pontevedra e no Festival Xironsa de Cambados no mesmo ano.
A música de Os Xesteira está sustentada nunha base harmónica a cargo do acordeón e, ocasionalmente, do bombardino, e perfilada coa melodía de gaita, frauta e saxo. A versatilidade do bombardino permítelle acometer tanto funcións harmónicas como interpretar a melodía máis bulideira e aporta unha tímbrica pouco escoitada nas formacións que teñen como base do seu repertorio a nosa música patrimonial
O público conecta coa música de Os Xesteira dende os primeiros compases e ata a fin do concerto, que remata de xeito festivo coa interpretación dun popurrí de varias polcas coñecidas.
Este singular grupo vén realizando actuacións e concertos dende 2017. Cabe destacar o concerto ofrecido xunto coa Banda Municipal de Santiago de Compostela na praza das Praterías en Setembro de 2017. Extraordinarios tamén os concertos realizados nas Festas da Peregrina 2020 de Pontevedra e no Festival Xironsa de Cambados no mesmo ano.
No ano 2023 incorpórase ao grupo a saxofonista Esther Serrano aportando a sonoridade dos saxos tenor e barítono. Con este formato ofreceron o concerto no Teatro Principal de Pontevedra no ano 2023.
COMPOÑENTES:
Xaquín Xesteira: Gaita (Co-fundador de Treixadura, mestre de gaita na E-Trad de Vigo, actual director das seccións de gaita e percusión en Sondeseu, actual director do coro Cantigas e Agarimos, colaboracións con múltiples grupos e bandas de música, divulgador da música tradicional).
Anxo Xesteira: Acordeón (músico multi-instrumentista, diversos grupos e bandas de música)
Roi Xesteira: Bombardino (músico multi-instrumentista, diversos grupos e bandas de música).
Xaquín Xesteira: Gaita (Co-fundador de Treixadura, mestre de gaita na E-Trad de Vigo, actual director das seccións de gaita e percusión en Sondeseu, actual director do coro Cantigas e Agarimos, colaboracións con múltiples grupos e bandas de música, divulgador da música tradicional).
Anxo Xesteira: Acordeón (músico multi-instrumentista, diversos grupos e bandas de música)
Roi Xesteira: Bombardino (músico multi-instrumentista, diversos grupos e bandas de música).
Esther Serrano: Saxos tenor e barítono. (diversos grupos e bandas de música)
VÍDEOS DE ACTUACIÓNS:
A Virxe de Portovello (Manuel
de Dios/Arr. Xaquín Xesteira) https://www.youtube.com/watch?v=JbMUw_4YoOs
IN MEMORIAM
NARF FALECEU O 15 DE NOVEMBRO DE 2016 AOS 48 ANOS DE IDADE.
A MIÑA HOMENAXE E RECORDO POR SEMPRE.
FRAN PÉREZ “NARF”
Despois de máis de vinte anos no mundo da música e formar parte de diversas bandas de rock Fran Pérez, artista relacionado dende sempre co mundo da cultura teatral e musical, creou no ano 2004 o concepto NARF. O proxecto do polifacético músico rompeu as barreiras e converteuse nunha das aventuras musicais máis interesantes da última década en Galicia. Un artista inquedo, que investigaba o ritmo e a harmonía. Nomeado como Mellor Artista de Rock nos Premios Galegos da Música "Martín Códax" 2013.
VÍDEO DE FRAN PÉREZ "NARF"
http://www.youtube.com/watch?v=BNjL6ObU2ro